黑超特警組3 预告片
山寨吧 发表于2012年5月25日 9:03
《黑超特警組3》（MIB 3）今日全球發布最新預告，預告片入面，見到黑超特警J（韋史密夫 飾）同黑超特警K（湯美李鍾斯 飾）踩入唐人街捉異形，J仲要畀條大魚逼埋牆，K就掛住摸住隻中式茶杯仔；喺中國餐館入面，上至老細，下至靚女侍應，統統都係異形。之前，韋史密夫爆響口話Lady Gaga有分客串，不過喺呢條預告片入面，似乎就未見影，不過片中曾出現一個Party嘅場面，裡面嘅人個個衣著怪相，唔知Gaga係咪喺裡面，大家不妨落足眼力搵下。不過最型都係嗰部單輪電單車，我都想有一架！
嚟到第三集嘅《MIB》講黑超特警J同K，多年嚟身經百戰，合作無間，見慣大場面，但J面對對身邊經常粒聲唔出、搞GAG都笑唔出的拍檔K，竟然開始厭厭地，兩人友誼備受考驗。另一方面， K嘅生命同地球嘅命運同時受到威脅，J決定重返1969年，希望可以改寫歷史，於是遇上29歲、但外表比同齡老成嘅少年K（佐斯布連 飾），兩人team up後就合力拯救未來，包括J、整個MIB組織同埋人類嘅生死存亡。而當J穿越時空回到那些年後更發現，原來，K一直隱瞞住一個關係到全宇宙命運嘅驚人秘密。
嚟到第三集嘅《MIB》講黑超特警J同K，多年嚟身經百戰，合作無間，見慣大場面，但J面對對身邊經常粒聲唔出、搞GAG都笑唔出的拍檔K，竟然開始厭厭地，兩人友誼備受考驗。另一方面， K嘅生命同地球嘅命運同時受到威脅，J決定重返1969年，希望可以改寫歷史，於是遇上29歲、但外表比同齡老成嘅少年K（佐斯布連 飾），兩人team up後就合力拯救未來，包括J、整個MIB組織同埋人類嘅生死存亡。而當J穿越時空回到那些年後更發現，原來，K一直隱瞞住一個關係到全宇宙命運嘅驚人秘密。
全文完